Bujutsuaren hastapenei buruzko hitzaldi-erakustaldia da. Borroka-arte honen alderdi ezberdinak azalduko dizkigu Bassasek: oinarrizko armak zeintzuk diren, nola erabiltzen diren, samurai japoniarraren borroka-teknikak zeintzuk diren (kenjutsu, nito –Miyamoto Musashiren sable biren eskola-, jojutsu, tambojutsu, jiujitsu, kyusho…), halaber, Do-aren eta Jutsu-aren arteko ezberdintasunak zeintzuk diren. Gainera, arituko da, gerlarien oinarrizko printzipioei, filosofiari eta borrokarekiko duen jarrerari buruz. Hitzaldia biribiltzeko, Iaido eta Iaijutsu borroka-arteen erakustaldia egingo digu: sablea zorrotik ateratzeko artea.