Miyazakiren film hunkigarrienaren zuzeneko birnahasteak, FAN10 jaialdirako espreski prestatua. Pelikularen pasarte batzuk abiapuntu hartuta, eta ezer gehiagorik erantsi gabe, horiek zatikatu, sekuentziatu eta birnahastu egiten dira zuzenean, eta berriro filma interpretatu.

Orain bederatzi urte hasi zuen Txo!?-k bere ibilbidea bideo-jockey gisa (zuzeneko ikus-entzunezkoen sortzailea), kide bezala elkartu zenean Dropezframes kolektiboarekin (BJ kulturaren lehen adierazpena Iruñean). 2008. urtean Elurmaluta izena hartu zuen, zuzeneko ikus-entzunezko integralekin aritzeko.